Bernie Sanders: ABŞ-da yoxsulluq ölümə məhkum olmağa bərabərdir
Sizinyol xarici KİV-ə istinadən xəbər verir ki, ABŞ-ın Vermont ştatının demokrat senatoru Bernie Sanders, twiter səhifəsində, az gəlirli amerikalılar arasında “həyata ümidin” azalmasına toxunub.
Sanders belə yazıb: “Az gəlirli amerikalılar arasında orta ömür, zənginlərdən 15 il daha azdır. Dünya tarixinin ən zəngin ölkəsində(ABŞ) yoxsulluq ölümə məhkum olmağa bərabərdir.”
Digər bir twitter mesajında Sanders Amerika xalqının tibbi xidmət haqqını ödəməkdə aciz olmasını qeyd edib.
“Diş həkimi, eşitmə cihazı və ya eynək üçün pul ödəyə bilməyən milyonlarla yaşlı vardır. Bu, dünyanın ən varlı ölkəsində qəbuledilməzdir”, deyə Vermont senatoru twiterdə açıqlayıb.
Bernie Sanders bundan öncə də öz tənqidedici tvitində Amerika cəmiyyətində formalaşan təbəqələşməyə toxunaraq işsizlik və qidasızlıq problemlərinə etiraz etmişdi.
