Praqada yanğın nəticəsində 14 nəfər yaralanıb

Praqada mənzildə çıxan yanğın nəticəsində altısı uşaq olmaqla azı 14 vətəndaş yaralanıb.

Bu barədə Çex Respublikasının Birləşmiş Təcili Tibbi Yardım Xidmətinin nümayəndəsi Yana Poştova jurnalistlərə məlumat verib.

“Praqanın Çernokostelski küçəsindəki bir evin üçüncü mərtəbəsində çıxan yanğın zamanı 14 nəfər müxtəlif dərəcəli ağır yaralanıb, onlardan altısı bir yaşdan yeddi yaşa qədər olan uşaqlar olub”, o deyib.

İki uşağın vəziyyətinin ağır olduğu bildirilir, reanimasiyadadırlar. Onlardan biri həkimlər tərəfindən süni komaya salınıb.

Yanğının səbəbləri polis tərəfindən araşdırılır.

Salamnews