Bağdad bir daha xarici qüvvələrin İraqı tərk etməsinin vacibliyini vurğuladı

İraq mənbələri bazar ertəsi, axşam ölkənin milli təhlükəsizlik müşaviri Qasim əl-Ərəcinin Kanadanın Bağdaddakı səfiri Ulrik Şannonla xarici qoşunların İraqdan çıxarılması barədə danışıq apardığını bildiriblər

“Dəclə” xəbər saytının verdiyi məlumata görə, İraq Milli Təhlükəsizlik Məsləhətçisinin ofisi bəyanat vermişdir ki, Qasim əl-Ərəci bazar ertəsi öz ofisində Kanada səfiri ilə görüşmüş və razılaşdırılmış bir cədvəl əsasında Beynəlxalq Koalisiyanın İraqdan çəkilməsinin vacibliyini vurğulayıb.

Bəyanatda həmçinin, “Kanada bu mövzuya əhəmiyyət verən Beynəlxalq Koalisiyanın üzvüdür” deyə qeyd olunmuşdur. Bəyanatda bildirilir ki, Əl-Əraci Kanada səfiri ilə bölgədəki son siyasi və təhlükəsizlik məsələlərini və həmçinin Bağdad ilə Ottava arasındakı ikitərəfli əlaqələrin inkişafını da müzakirə edib.