ÜST həftə ərzində dünyada COVID-19-a yoluxmaların 15 faiz azaldığını açıqlayıb
Ötən həftə dünyada 3 milyondan çox koronavirusa yoluxma və 73 mindən çox ölüm halı qeydə alınıb.
Əvvəlki yeddi günlə müqayisədə yoluxmaların sayı 15 faiz, ölənlərin sayı 8 faiz azalıb. Ümumdünya Səhiyyə Təşkilatı (ÜST) bir həftə ərzində ən çox yoluxmanın Hindistanda qeydə alındığını bildirib.
“Yeni yoluxma və ölüm hadisələrinin sayı azalmaqda davam edir. Həftə ərzində 3 milyondan çox yoluxma və 73 mindən çox ölüm hadisəsi barədə məlumatlar var. Bu əvvəlki həftəyə nisbətən 15 və 8 faiz azdır”, ÜST-ün epidemioloji bülletenində deyilir.
