XİN başçısı: “Gürcüstan bölgədə sülhməramlı rolunun ilk konkret nəticəsinə nail olub”
“Müstəqilliyin bərpasından sonra Gürcüstanın bütün hakimiyyətləri regionda sülhməramlı rolunu öz üzərilərinə götürməyə çalışıblar”.
Bunun Gürcüstan baş nazirinin müavini, xarici işlər naziri David Zalkaliani brifinqdə deyib.
O bildirib ki, Azərbaycan və Ermənistan arasında iyunun 12-də əldə olunan humanitar razılaşma bu cəhdlərin ilk konkret nəticəsidir: “Tbilisinin Cənubi Qafqazda vasitəçiliyi qlobal təhlükəsizlik kontekstində, yeni geosiyasi mühitdə Gürcüstanın rol və funksiyasını prioritet mövzuya çevirməyə yönəlib”.
