Sionistlər Ayətullah Rəisiyə görə Aİ-yə qəzəbləndilər

Sizinyol xarici KİV-ə istinadən xəbər verir ki, Avropa Birliyinin 3 Avqust çərşənbə axşamı yeni seçilmiş Ayətullah Seyid İbrahim Rəisinin andiçmə mərasimində iştirak etmək üçün Avropa Xarici Fəaliyyət Xidmətinin Baş katibi Enrike Moranı İrana göndərmə qərarı sionistləri qəzəbləndirib.

Amerika Wall Street Journal -ın müxbiri Lorens Norman, dünən Twitter səhifəsində Moranın Ayətullah Rəisinin andiçmə mərasiminə qatılma qərarını açıqlayan bir tvit yayımlayıb.

Əl-Ərəbi Əl-Cədid internet saytının verdiyi məlumata görə, Avropa Xarici Fəaliyyət Xidməti Baş Katibinin Ayətullah Rəisinin inauqurasiyasında iştirak etməsi xəbərindən sonra İsrail Xarici İşlər Nazirliyi dünən (Bazar ertəsi) Moranın İranın yeni prezidentinin inauqurasiyasında iştirak etməməsini tələb edən bəyanat yayıb.

İsrail Xarici İşlər Nazirliyi bu bəyanatda Avropa Birliyinin İranın yeni seçilmiş prezidentinin andiçmə mərasiminə nümayəndə göndərmək qərarını “çaşqınlıq və zəif qərar” adlandırıb.