Mossad şəbəkəsi Türkiyədə zərərsizləşdirildi

Sizinyol xarici KİV-ə istinadən xəbər verir ki, Türkiyə təhlükəsizlik xidməti, ölkədə geniş fəaliyyət göstərən bir İsrail (Mossad) casusluq şəbəkəsini zərərsizləşdirdiyini bildirib. Rəsmilər, İsrail casusluq şəbəkəsinin ən az bir il izlənildiyini söyləyiblər.

Türkiyənin “Sabah” qəzeti cümə axşamı günü yazıb ki, Türkiyə kəşfiyyat xidməti (MİT) tərəfindən zərərsizləşdirilən casusluq şəbəkəsi anti-sionist fəallar haqqında məlumat toplayırmış.

Qəzet əlavə edib ki, 15 nəfərdən ibarət üç təbəqəyə bölünən bu şəbəkənin üzvləri, Türkiyə kəşfiyyat xidməti tərəfindən həbs edilib.

Sabah qəzeti, Mossad şəbəkəsinin demək olar ki, bir il boyunca nəzarət altında olduğunu və üzvlərinin bu il oktyabrın 8-də məxfi bir əməliyyatla həbs edildiyini bildirib.

Qəzet, şəbəkənin fəaliyyətinin təfərrüatları haqqında yazır: “Şəbəkə qruplarının üzvləri Mossad ilə təmasda olmuş və xüsusi üsullarla İsrail üçün əhəmiyyətli olan məlumatları və sənədləri əldə edərək “vəziyyət məmurları” adlandırılan əməliyyat məmurlarına təhvil verirmişlər.