Azərbaycanda 3 hakimin səlahiyyətlərinə xitam verilib
Bu il Azərbaycanda 3 hakimin səlahiyyətlərinə xitam verilib.
Bu barədə Məhkəmə-Hüquq Şurasından bildirilib.
Məlumata görə, cari ildə 117 hakimin fəaliyyəti qiymətləndirilib, 14 nəfərin fəaliyyətində peşəkar çatışmazlıqlar müəyyən olunaraq işdə dönüş yaratmaları üçün 6 ay vaxt verilib.
Hakimlərin fəaliyyətinin qiymətləndirilməsi qaydalarının yeni qanunvericiliyə uyğun təkmilləşdirilməsi ilə bağlı müvafiq qərar qəbul edilib.
Bu ilin sonunadək fəaliyyətlərinin qiymətləndirilməsi nəzərdə tutulan daha 120 hakimlə bağlı hərtərəfli təhlillərin aparılması və nəticələrin Şuranın iclasına çıxarılması üzrə konkret tapşırıqlar verilib.
Şuranın iclasında qanunvericiliyin tələblərinin, çəkişmə prinsipinin və icra intizamının pozulmasına, süründürməçiliyə yol verildiyinə və digər nöqsanlara görə birinci instansiya və apellyasiya məhkəmələrinin 5 hakiminin intizam məsuliyyəti məsələsinə baxılıb, eyni xarakterli pozuntulara görə bir sıra hakimlər barədə intizam icraatları başlanılıb.
Report
