Amerikanın qlobal nüfuzu çökdüyü vurğulandı

Sizinyol xarici KİV-ə istinadən xəbər verir ki, New York Times-ın köşə yazarı Brett Stefens bir yazısında ABŞ-ın qlobal mövqeyinin sarsıldığını və ABŞ prezidenti Co Baydenin milli təhlükəsizlik komandasını mümkün qədər tez dəyişməli olduğunu yazıb.

Bu yazıda qeyd olunub: “Bazar ertəsi Pentaqonun sözçüsü Con Kerbi ABŞ-ın Suriyadakı hərbi bazasına bu yaxınlarda pilotsuz uçan aparatla endirilən zərbəni “mürəkkəb, əlaqələndirilmiş və düşünülmüş” adlandırdı. ABŞ-ın ümumiyyətlə buna cavabı olub-olmadığını gözləmək lazımdır. Bayden administrasiyası hələ də İranı nüvə sazişi imzalamaq üçün danışıqlar masasına qaytarmaq üçün səy göstərir. Tehrana daha çox belə hücumlar həyata keçirmək üçün imkan yarada biləcək milyardlarla dollar təmin edən bir razılaşma.

Stefens həmçinin “New York Times”da Devid Sangerin yazısına istinadən deyib: “Microsoft”un kibertəhlükəsizlik üzrə ekspertləri deyirlər ki, Rusiya kəşfiyyat agentliyi (SVR) növbəti dəfə “ABŞ-ın minlərlə hökumət şəbəkələrinə, şirkətlərinə və beyin mərkəzlərinə nüfuz” kampaniyası ilə məşğuldur. Bu səylər Baydenin rusiyalı həmkarı Vladimir Putinlə görüşündə belə hücumların təkrarlanacağı barədə xəbərdarlıq etməsindən bir neçə ay sonra həyata keçirilir.”