Dünya Müsəlman Alimləri Birliyi sədri Mərakeş hökumətini tənqid etdi

Sizinyol xarici KİV-ə istinadən xəbər verir ki, İsrailin hərbi naziri ötən çərşənbə günü Mərakeşə gedib və bu ölkə rəsmiləri ilə hərbi-təhlükəsizlik sahəsində əməkdaşlıq müqaviləsi imzalayıb. Müqaviləyə əsasən, Mərakeş Tel-Əvivdən qabaqcıl hərbi texnika və silahlar alacaq. Tərəflər həmçinin məlumat mübadiləsi və təhlükəsizlik məsələləri üzrə birgə fəaliyyət göstərəcəklər.

Dünya Müsəlman Alimləri Birliyinin rəisi Rabat-Təl-Əviv arasında hərbi və təhlükəsizlik sahəsində əməkdaşlıq sazişinin imzalanmasına reaksiya verərək, sosial şəbəkədə öz şəxsi səhifəsində belə yazıb:
“Rabat hökuməti ilə sionist rejim arasındakı əlaqənin daha çox nüfuz və casus yetişdirməkdən başqa heç bir faydası yoxdur.”

“Ər-Rai Əl-Youm” qəzetinin məlumatına görə, Əhməd Risuni sionist rejimlə Mərakeş münasibətlərini bir növ “qadağan olunmuş eşq” adlandırıb və qeyd edib: “Rabat hökuməti bütün qapıları sionist düşmənin üzünə açır, bu rejimlə hərtərəfli müqavilələr imzalayır və iki tərəf arasında ardıcıl görüşlər keçirilir. Bir halda ki, bu, sionist rejimin ideoloji təcavüzünün sonu yoxdur.”