ABŞ-da Rusiyaya casusluğa cəhd ittihamı ilə saxlanıldı
Əvvəllər Pentaqonla müqavilə əsasında işləyən amerikalı Rusiyaya casusluq cəhdi ittihamı ilə ABŞ-da saxlanılıb.
“Qafqazinfo” xəbər verir ki, bu barədə ABŞ Ədliyyə Nazirliyinin yaydığı bəyanatda deyilir.
Bildirilib ki, 63 yaşlı Con Rov Cənubi Dakotada saxlanılıb.
O, ABŞ-ın milli təhlükəsizliyi ilə bağlı məxfi məlumatları xarici hökumətə ötürməkdə ittiham olunur.
Günahı sübuta yetirilərsə, onu ömürlük həbs cəzası gözləyir.
Qafqazinfo.az
