Tramp: Amerika yəhudilərinin İsraillə heç bir marağı yoxdur!

ABŞ-ın keçmiş Prezidenti Donald Tramp İsrail mediasına verdiyi müsahibədə sionistləri qəzəbləndirən bəyanat verib və ABŞ-dakı yəhudilərin artıq İsraili sevmədiyini və onlara əhəmiyyət vermədiyini açıq şəkildə etiraf edib.

İsrailli jurnalist Barak Ravidə verdiyi müsahibədə Tramp deyib: “ABŞ-da yəhudi olan, lakin artıq İsraili sevməyən insanlar var.”

Sorğular göstərir ki, Amerika yəhudi icması ABŞ-da keçirilən ümumi seçkilər zamanı müxtəlif vaxtlarda Demokratların namizədləri Hillari Klinton və Co Baydenə səs verib.

Tramp bu sözləri 2024-cü ildə Ağ Evə namizədliyini yenidən nəzərdən keçirərkən, 2020-ci il ABŞ prezident seçkilərində saxtakarlıq barədə şayiələr yaymağa davam edərkən deyib.

Amerika Yəhudi Konqresi Trampı açıqlamalarına görə tənqid edib. ABŞ Yəhudi Konqresi tvitində belə bir sual ünvanlayıb: Niyə cənab Tramp yenidən yəhudilər haqqında təhlükəli stereotipləri gücləndirir?

Tramp müsahibəsində deyib ki, o, Nyu-Yorkda böyüyəndə atasının bir çox yəhudi ilə yaxın əlaqələri olub. Dürüst olmalıyam. Çox təhlükəli bir məsələ baş verir. Əvvəllər İsrail Konqres üzərində mütləq gücə malik idi və bu gün mən bunun tam əksini düşünürəm. Mən bunu çoxdan deyirəm, ABŞ-dakı yəhudi xalqı İsraili ya sevmir, ya da İsrail onları maraqlandırmır.