Pompeo: Rusiya-Ukrayna münaqişəsi Baydenin zəifliyini ortaya qoyur

Keçmiş dövlət katibi Mayk Pompeo ABŞ və NATO arasında Ukrayna məsələsində Rusiya ilə gərginlik artdıqca, o, Rusiya-Ukrayna münaqişəsinin Bayden administrasiyasının zəifliyini açıq şəkildə ortaya qoyduğunu söylədi.

ABŞ dövlət katibi Fox News telekanalında iddia edib ki, İran hökuməti ilə danışıqlardan tutmuş Talibanın Əfqanıstanda nəzarəti ələ keçirməsinə imkan verməyə qədər hər şey, Çinin Korona virusunun mənşəyinə görə məsuliyyət daşımaması və Tayvanla məşğul olmaması – bütün bunlar  Bayden hökumətinin ötənbir il ərzindəki zəifliklərini göstərdi.

Keçmiş ABŞ rəsmisi sözünə davam etdi: Lakin Baydenin Rusiyanın Ukraynaya təcavüzünün qarşısını almaqda acizliyi və zəifliyi misilsizdir.

Pompeo iddia edib ki, Vladimir Putin Şərqi Avropada Rusiya hakimiyyətini bərpa etmək və keçmiş Sovet İttifaqını geri almaq niyyətindədir. Bu, Avropa və Amerikanın milli təhlükəsizliyi üçün fəlakətli olacaq.

O əlavə edib ki, Ağ Evdəki istənilən səlahiyyətli komanda və Birləşmiş Ştatlarda istənilən bacarıqlı prezident rusların üzərinə dərhal və nəzərəçarpacaq xərclər qoymaqla bu cür təhdidlərə cavab verərdi.

Tramp administrasiyasının rəsmisi deyib ki, ABŞ administrasiyası Ukrayna sərhədləri yaxınlığında hərbi qüvvələrin kəskin artmasına dağıdıcı iqtisadi sanksiyalar və Rusiyanın işğalı halında Ukraynanın müdafiəsini gücləndirmək üçün dəmir zəmanət vasitəsilə cavab verməlidir.

O, əlavə edib ki, Bayden Avropa ölkələrini Putinə qarşı birləşdirməlidir, lakin Baydenin çəkindirmə qabiliyyəti aradan qaldırılıb. Baydenin bu yaxınlarda mediaya Rusiya ordusunun Ukraynaya qismən müdaxiləsi ilə bağlı açıqlamaları yalnız Rusiyanın hücumuna təkan verdi.