Pakistan-İran qardaşlıq uğurla inkişaf edir
Tehran və İslamabad arasında razılaşmaya və Pakistana qaz kəməri ilə bağlı İranın bütün öhdəliklərini yerinə yetirməsinə əsaslanaraq, şərq qonşusunda enerji problemini aradan qaldırmağa çalışır.
Bu addım qaz layihəsini başa çatdırmaq və iki qonşu arasında sıx əməkdaşlığı təmin etmək üçün davamlı strategiyadır.
Pakistanın siyasi liderləri və bu ölkədəki iqtisadi və enerji ekspertləri həmişə vurğulayıblar ki, enerji böhranından çıxmaq üçün bu ölkə İran İslam Respublikasının potensial enerji imkanlarından, xüsusilə İP boru kəmərinin (sülh kəməri) tamamlanmasından istifadə etməlidir. Pakistanlı ekspertlər İmran Xan hökumətini İrandan qaz nəqli layihəsini başa çatdırmaq üçün təsirli və təcili tədbirlər görməyə çağırıblar.
Pakistanın baş naziri İmran Xanın 2020-ci ildə İrana ilk rəsmi səfəri zamanı tərəflər İP boru kəməri layihəsini də müzakirə ediblər. Pakistanlı köşə yazarı Nəsim Heydər “Geo News” saytında dərc olunan İran-Pakistan qaz kəməri ilə bağlı hesabatında yazıb:
Pakistanın yeni milli təhlükəsizlik siyasətində geoiqtisadiyyat xüsusi yer tutur və bu ölkənin qonşuları ilə ticarət əlaqələrini daha da gücləndirməkdə qərarlı olduğu düşünülür. Amma Pakistanın İranla ticarəti müzakirə etmək üçün hansı təsirli və praktiki addımlar atacağını müşahidə etmək qalır.
O əlavə edib: Pakistanın ictimaiyyət üçün nəşr olunmuş yeni milli təhlükəsizlik siyasətinin 62 səhifəlik toplusunda İran İslam Respublikası ilə Pakistan arasındakı əlaqələr regional sülh və sabitlik üçün önəmli addım kimi dəyərləndirilib. “
İran İslam Respublikasının qonşusu olan Pakistan da iki ölkə arasında dini ortaqlıqlarla, tarixi əlaqələrə malikdir. İki qonşu kimi Tehran və İslamabad ümumi sərhədlərin idarə olunmasında və regional sülh və sabitliyə töhfə verməkdə ortaq maraqları bölüşməyə davam edirlər.
Pakistanın milli təhlükəsizlik siyasətinin yeni perspektivində regional sabitlik üçün İranla tərəfdaşlığına işarə edərək əlavə olunur ki, sərhədyanı bölgələrdə məlumat mübadiləsi və patrul xidmətinin daha da gücləndirilməsi ikitərəfli əməkdaşlıq və iki ölkə arasında münasibətlərə müsbət təsir göstərəcək.
Qeyd edək ki, İrandan Pakistana qaz kəmərinin çəkilməsi iki qonşu ölkənin mühüm layihələrindən biridir.
Eyni zamanda, Tehran bununla bağlı bütün öhdəliklərini yerinə yetirə bilib və qaz kəmərini Pakistanla sərhədə gətirib.
Layihənin indi Pakistan rəsmilərinin səyləri və ölkənin birgə qaz müqaviləsindəki rəsmi vədlərinə sadiq qalması ilə həyata keçiriləcəyi gözlənilir. Pakistan hökuməti ilə razılaşmaya əsasən, İran bütün vədlərini yerinə yetirib və bu nəhəng enerji layihəsini irəli sürməyə hazır olduğunu bəyan edib, eyni zamanda onun infrastrukturu da təmin edilib.
