22 Bəhmən yürüşü qırmızı elan olunan şəhərlərdə avtomobillə keçiriləcək

Ali Rəhbərin nümayəndəsi və İslami Təbliğat Koordinasiya Şurasının sədri deyib:

Koronanın xüsusi şərtlərinə görə yürüş 13 fevral 2014-cü il tarixində qırmızı şəhərlərdə avtomobil və motosikletlə keçiriləcək.

Ali Rəhbərin nümayəndəsi və İslami Təbliğat üzrə Koordinasiya Şurasının sədri Höccətül-İslam vəl-müslimin Musapur 22 Bəhmən gününün qeyd olunması ilə bağlı deyib:

İslam İnqilabının qələbəsinin 43-cü ildönümü ilə bağlı 1500-dən çox şəhər və 30 min kənddə tədbirlər keçirilir.

O, sözlərinə belə davam edib: İnqilabın müxtəlif sahələrdə əldə etdiyi nailiyyətlər və bu böyük salnamənin daxildə və xaricdə təsirləri haqda keçirilən tədbirlər düşmənin təhrif və təxribatına baxmayaraq davam etməkdədir.

Bir çox universitetlər, təhsil və mədəniyyət ocaqlarında, eləcə də 60 minə yaxın məscid və 40 min Bəsici bazasında maarifləndirici tədbir və toplantılar keçirilib.

Musapur qeyd edib: “Digər tədbirlərə məqalələrin nəşri, İslam İnqilabının miqyası və möhtəşəm təsirləri haqqında elmi və ixtisaslaşdırılmış konfranslar və müxtəlif vebinarların keçirilməsi daxildir.

Eyni zamanda gənclərin və yeniyetmələrin daha çox iştirakının planlaşdırılması ilə məhəllələrdə şənliklərin keçirilməsi və surud qruplarının, teatr və müxtəlif foto və rəsm sərgilərinin nümayişinin artırılması da nəzərdə tutulub. Bununla yanaşı, biz inqilabçı gənclərin kiberməkanda həvəslə və geniş şəkildə iştirakının şahidi oluruq və onların sual və şübhələrini də cavablandırmağa hazırıq.”

Bu il Səhiyyə Nazirliyinin rəsmiləri, ekspertləri və əməkdaşlarının fikrincə, koronanın yaxın həftələrdə pik həddə çatması ehtimalı var. Odur ki, ölkənin pandemiya şəraitinə uyğun olaraq və insanların sağlamlığını və həyatını qorumaq məqsədi ilə 22 Bəhmən milli bayramı Tehranda və qırmızı elan olunan şəhərlərdə avtomobil və motosikletlə keçiriləcək.