Fələstinli məhbuslar sionist həbsxanalarını yandırmaqla hədələyiblər

Sionist rejim həbsxanalarda repressiv əməllərini davam etdirdiyi bir vaxtda fələstinli məhbuslar bu rejimə sərt mesajlar verib və sabahı qəzəb günü elan ediblər.

Fələstinli Əsirlərin İşləri üzrə “Əl-Əsirə” hərəkatı bu gün (cümə axşamı) elan edib ki, sionist rejim məhbusların uzun müddətdir misli görünməmiş gərginliyinin şahidi olur.

Əl-Məyadin kanalının məlumatına görə, hərəkat əlavə edib: Sionist rejimin həbsxana rəhbərliyi fələstinli məhbusların havaya çıxmasını zamanlama ilə edir və onların bir-biri ilə görüşməsinə mane olur. Məhkumlara müəyyən sayda və müəyyən vaxtlarda kameraları tərk etməyə icazə verilir.

Əl-Əsirə Hərəkatının “Məhkumların üsyanı” ilə bağlı bəyanatında deyilir: “Həbsxana daxilində işğalçılarla döyüşümüz dayanmayıb və dayanmayacaq. Biz bütün yerlərdə millətimizi Fələstin məsələsi ətrafında toplaşmağa və bütün fəaliyyətlərdə iştirak etməyə çağırırıq.”

Hərəkat daha sonra Cümə imamlarını sabahkı namazların xütbələrini məhbuslar, onların intifazəsi, xəstə məhbuslar və onların çəkdikləri əziyyətlərə həsr etməyə çağırıb.

Xəbərdə daha sonra deyilir ki, fələstinli məhbuslar sionist rejimə sərt mesaj göndərərək, gərginliyin hücrə və həbsxanaların yandırılması və aclıq aksiyası keçirməsi həddinə çatacağını bəyan ediblər.

Məhbuslar vurğulayıblar: “Sionist rejim həbsxana daxilində repressiya tədbirlərindən əl çəkməyincə, onların mübarizəsi dayanmayacaq. ”