Aİ Rusiyanın neft-qaz sektoruna sanksiya tətbiq etməyəcək
Orban Aİ liderlərinin Versaldakı görüşündən sonra deyib ki, Macarıstan artıq ən mühüm məsələni öz xeyrinə həll edib.
Aİ Rusiyaya qarşı neft və qaz sektorlarına təsir edən sanksiyalar tətbiq etməyəcək. Sputnik Azərbaycan “RİA Novosti”yə istinadla xəbər verir ki, bunu Macarıstanın baş naziri Viktor Orban bildirib.
Orban Aİ liderlərinin Versaldakı görüşündən sonra deyib ki, Macarıstan artıq ən mühüm məsələni öz xeyrinə həll edib: “Neft-qaz sektoru ilə bağlı heç bir sanksiyalar olmayacaq, yəni bundan sonra da Macarıstanın enerji təchizatı təmin ediləcək”.
Qərb ölkələri Ukraynanın demilitarizasiyası üzrə xüsusi əməliyyatla əlaqədar 2014-cü ildən sonra növbəti anti-Rusiya sanksiyaları tətbiq ediblər. Rusiya Federasiyası Prezidentinin mətbuat katibi Dmitri Peskovun bir müddət əvvəl dediyi kimi, Qərbin sanksiyaları çox ciddidir, lakin Rusiya onlara əvvəlcədən hazırlaşırdı.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət “bizdən qəti və dərhal hərəkətə keçməyi tələb edir, “Donbas xalq respublikaları” yardım xahişi ilə Rusiyaya üz tutub”.
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq on altı gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Sputnik.az
