İŞİD terror qruplaşması özünə yeni lider təyin edib

İŞİD terror qruplaşması Suriyada liderinin öldüyünü təsdiqləyib və yeni liderinin təyin olunduğunu açıqlayıb.

Əl-Məyadin-in məlumatına görə, İŞİD terror qruplaşması bəyanatlarında yüksək səviyyəli lideri Əbu İbrahim Əl-Qurəşinin ölümünü təsdiqləyib.

Terror qruplaşması “Əbülhəsən Əl-Haşimi Əl-Qurəşi”ni onun varisi olaraq təyin etdiyini açıqlayıb.

Ötən fevralda ABŞ rəsmiləri İŞİD terror qruplaşmasının Suriyadakı yüksək rütbəli lideri Əbu İbrahim əl-Qurəşinin öldürüldüyünü açıqlamışdı. ABŞ Prezidenti Co Bayden bildirib ki, Əl-Qurəşi Suriyada onun əmri ilə keçirilən hərbi əməliyyatda öldürülüb.

Əslində Abdullah Qardaş kimi tanınan Əmir Məhəmməd Əbdürrəhman Əl-Mövla Əs-Səlbinin Əbu Bəkr əl-Bağdadinin öldürülməsindən sonra İŞİD terror qruplaşmasının lideri olduğu məlum olub.

O, 2008-ci ildə həbs edilib və o zaman onun yeganə görüntüsü ABŞ qüvvələrinin onu İraqın cənubundakı Boka həbsxanasında dindirməsi olub. O, aylarla dindirilib.

ABŞ iddia edir ki, o, sorğu-sual zamanı onlara onlarla İŞİD üzvü haqqında yaxşı məlumatlar verib. 2010-cu ilin əvvəlində o, İŞİD-in keçmiş lideri Əbu Bəkr əl-Bağdadiyə yaxınlaşıb. İŞİD-in fəaliyyətinin ən qızğın vaxtında o, terror qruplaşmasının ədliyyə naziri kimi çalışaraq, edamlar da daxil olmaqla, ağır cəzalara nəzarət edirdi.