Səudiyyə Ərəbistanında terrorizm və azğın inanclar ittihamı ilə 80 nəfər edam edilib

Səudiyyə Ərəbistanının Daxili İşlər Nazirliyi azğın düşüncələr, metodlar və digər azğın inancları qəbul edənlərdən ibarət ən azı 80 nəfərin edam edildiyini açıqlayıb.

Səudiyyə Ərəbistanı Daxili İşlər Nazirliyi şənbə günü verdiyi açıqlamada terrorizm və azğın fikirlər ittihamı ilə 81 nəfəri edam etdiyini açıqlayıb.

Edam edilənlər arasında yeddi Yəmən və bir Suriya vətəndaşı var.

Bəyanatda deyilir: “Cinayətkar qruplar pis addımlar ataraq, azğın düşüncələri və digər azğın metod və əqidələri qəbul edərək haqq yolundan sapmışlar. Onlar düşmən tərəflərin planlarına xidmət etmək və müxtəlif terror aktları ilə günahsız insanların qanını tökmək üçün vətənlərini satmışlar. Onların cinayətləri hətta ata və analarına, dinin müqəddəs saydığı şeylərə, ibadət məkanlarına, məscidlərə, bir sıra dövlət idarələrinə və mühüm iqtisadi qurumlara ziyan vurub.”

Nazirlik iddiasına davam edib: “Bir sıra vəzifəli şəxslərin və xarici vətəndaşların ölkədə izlənilməsi və hədəfə alınması, polis qüvvələrinin izlənilməsi və öldürülməsi və bəzilərinin şikəst edilməsi, minaların yerləşdirilməsi, bir sıra adam oğurluğu, işgəncə, zorlama, silah qaçaqmalçılığı kimi cinayətlərin törədilməsi, ölkədə xaos yaratmaq və İŞİD, Əl-Qaidə və s. terror planlarını həyata keçirmək də digər cinayətlərindəndir.”

Səudiyyə hökuməti hər il terrorizmlə mübarizə bəhanəsi ilə ifadə azadlığına qarşı çıxır və çoxlu sayda Ali-Səud müxalifini ağır cəzalara və ölümə məhkum edir.

Son illərdə Səudiyyə Ərəbistanı bir çox müxaliflərini saxta bəhanələrlə edam və ya həbs edib. Səudiyyə Ərəbistanında edamların spektri onun vətəndaşlarından kənara çıxır və çoxlu sayda başqa ölkələrin vətəndaşlarını da əhatə edir.

Səudiyyə Ərəbistanının tanınmış şiə din xadimi Şeyx Nimr Baqir Ən-Nimr 2014-cü ildə Ali-Səudu tənqid etdiyinə və milli təhlükəsizliyə zidd hərəkət etdiyinə görə edam edilmiş olan ölkənin ən tanınmış siyasi məhbuslarından biri idi.