Avropa İttifaqı Yəmənin Ənsarullah təşkilatını qara siyahıya salıb

Avropa İttifaqı Yəmənin Ənsarullah hərəkatını qara siyahıya salıb.

Əş-Şərqul-Əvsət-in məlumatına görə, Avropa Birliyi Yəmənin Ənsarullah hərəkatını Səudiyyə Ərəbistanına son hücumlarından sonra qara siyahısına əlavə edib və hərəkatın bank hesablarını bloklamaq və onlara pul köçürməsini qadağan etmək qərarına gəlib.

Aİ-nin “qara siyahısı” 2014-cü ildə Yəmən müharibəsinə qarşı sanksiyalara görə yaradılıb.

Yəməndə istefa vermiş hökumətin Xarici İşlər Nazirliyi verdiyi açıqlamada AB-nin qərarını alqışlayıb və deyib: “Bu qərar husilərin fəaliyyəti ilə bağlı mühüm faktları əks etdirir.”

Ənsarullah AB-nin son qərarı ilə bağlı hələlik heç bir rəsmi reaksiya və ya açıqlama verməyib.

Bazar günü Ərəb Liqası Nazirlər Şurasının Katibliyi hərəkatın “terror aktlarının icraçıları, planlaşdırıcıları və maliyyəçiləri” kimi qara siyahıya salınmasına razılıq verib.