Rusiyadan Qərbə XƏBƏRDARLIQ: “Cavabımız dağıdıcı olacaq”

“Elə beynəlxalq adətlər var ki, onlar mahiyyət etibarilə mənasızdır və heç nə vəd etmir. Məsələn, başqa ölkəyə təzyiq vasitəsi kimi diplomatların ölkədən çıxarılması. Son vaxtlar o qədər belə hadisə oldu ki. Və yenə… Sərsəm polyaklar 45 rusiyalı diplomatı, qənaətcil almanlar 40, zərif fransızlar isə 30 rusiyalı diplomatı çıxarırlar”.

Publika.az xəbər verir ki, bunu Rusiya Federasiyasının Təhlükəsizlik Şurasının sədr müavini Dmitri Medvedyev Teleqram kanalında yazıb.

O qeyd edib ki, ağılsız fantom ağrılardan əziyyət çəkən Baltikyanı dövlətlər səfirlərini geri çağırdılar: “Kim daha çox? Hamı cavabı bilir. Cavabımız simmetrik və həmin dövlətlərdə ikitərəfli münasibətlər üçün dağıdıcı olacaq. Kimi cəzalandırdılar? Əlbəttə, ilk növbədə öz diplomatlarını. Onlara yeni iş yeri axtarmaq gərəkdir. Rusiyada nə hiss etdilər? Heç nə. Sadəcə, ölkəmizə qarşı təzyiqlərə yönələn və heç nəyi dəyişməyəcək şizoid kampaniyanın davamı.

Amma yox. Əgər belə davam edəcəksə, hələ fevralın 26-da yazdığım kimi, deyəsən, Qərb ölkələrinin səfirliklərinin qapılarına anbar qıfılları asılacaq. Hamıya daha ucuz başa gələcək. Və onda bir-birimizə yalnız silahların nişangahlarından baxmalı olacağıq”.

Publika.az