Abbas Əraqçi İsrail və Amerikanın İrana qarşı təcavüzünü qınadığı üçün Qırğızıstana təşəkkür etdi

İranın Xarici İşlər Naziri Seyid Abbas Əraqçi, Şanxay Əməkdaşlıq Təşkilatının xarici işlər nazirlərinin iclasında iştirak etmək üçün səfər etdiyi Çində, toplantı çərçivəsində Qırğızıstanın xarici işlər naziri Cinbek Kulubayev ilə görüşüb.

Əraqçi, Qırğızıstanın İsrail rejimi və ABŞ-nin İrana qarşı təcavüzünü açıq şəkildə qınamasını və İran dövləti və xalqı ilə həmrəylik nümayiş etdirməsini yüksək qiymətləndirərək bu münasibətlə təşəkkürünü bildirib.

Əraqçi, iki ölkə arasında münasibətlərin müsbət və inkişaf edən bir xətt üzrə irəlilədiyini qeyd edərək, əldə olunan razılaşmaların icrası ilə əlaqələrin daha da dərinləşəcəyinə ümid bəslədiyini ifadə edib.

Qırğızıstanın xarici işlər naziri isə son zamanlar İsrail və ABŞ tərəfindən İrana qarşı həyata keçirilən hücumlar nəticəsində şəhid olan hərbçilər, alimlər və günahsız insanların ölümünə görə öz ölkəsinin xalqı və hökuməti adından başsağlığı və dərin hüznlərini ifadə edib.