ABŞ-da güclü küləyin daha da sürətləndirdiyi meşə yanğınları səbəbindən on minlərlə sakin təxliyə edilir
ABŞ-ın Kolorado ştatının Boulder dairəsində güclü külək meşə yanğınlarının sürətənməsinə səbəb olub.
APA ABŞ Milli Hava Xidmətinin “Twitter” səhifəsində yerləşdirdiyi məlumata istinadən xəbər verir ki, bir neçə yaşayış məntəqələrinin sakinləri təxliyə edilməyə başlanılıb.
Təxliyə xüsusilə Koloradonun paytaxtı Denver şəhəri yaxınlığında yerləşən 21 min nəfərin yaşadığı Luisvilin və 13 min nəfərə yaxın əhalisi olan Superior qəsəbələrindən həyata keçirilir.
Sakinlərə təxliyə zamanı bütün vacib sənədləri, dərmanları və s. götürmələri barədə xəbərdarlıq edilib.
Denver yaxınlığında küləyin sürəti, təxminən 44,7 m/s olub.
Meteoroloqların proqnozlarına görə, küləyin sürəti cümə günü axşama doğru nəzərəçarpacaq dərəcədə azalacaq.
Apa.az
