ABŞ-da neft emalı zavodunda yanğın olub, 5 nəfər xəsarət alıb
ABŞ-ın Texas ştatının “Deer Park” şəhərində yerləşən “Shell” neft emalı zavodunda yanğın baş verib.
APA xəbər verir ki, bu barədə ABC məlumat yayıb.
Hadisə nəticəsində 5 nəfər xəsarət alıb.
İlkin olaraq müəssisədə “partlayış” baş verməsi, nəticədə yanğının başladığı barədə məlumat verilib.
Qeyd olunur ki, hadisə baş verən zaman istilik dəyişdiricisinə planlı texniki qulluq işləri aparılıb.
Apa.az
