ABŞ-da ticarət mərkəzində atışma olub, 8 nəfər yaralanıb
Naməlum şəxs ABŞ-ın Viskonsin ştatının Uovatosa şəhərində yerləşən ticarət mərkəzində atəş açıb.
Trend-in məlumatına görə, bu barədə yerli polis idarəsi “Twitter” səhifəsində yazıb.
Məlumata əsasən, hadisə nəticəsində 8 nəfər yaralanıb. Bütün yaralananlar xəstəxanaya yerləşdirilib.
Atəş açan şəxsin kimliyi hələ müəyyənləşdirilməyib. Polis gələndə o hadisə yerindən qaçmışdı. Onun barəsində axtarış elan olunub.
