ABŞ-dan İrana yeni sanksiyalar
ABŞ İranın neft ticarəti ilə məşğul olduğunu iddia etdiyi 9 gəmi və 8 şirkətə qarşı yeni sanksiyalar tətbiq edib. Oktyabrın 11-dən etibarən sanksiyalar siyahısına əlavə edilən gəmilərin sayı 70-i keçib. Bu gəmilərin əksəriyyəti İran xam neftini Çinə daşıyan tankerlərdir.
Bloomberg agentliyinin məlumatına görə, ABŞ administrasiyası İranın neft ticarətində iştirak etdiyini iddia etdiyi daha çox tanker və şirkətə sanksiya tətbiq etmək qərarına gəlib.
Cümə axşamı dərc edilən açıqlamaya görə, ABŞ Dövlət və Xəzinə nazirliklərinin birgə təşəbbüsü ilə 9 gəmi və 8 şirkət sanksiya siyahısına əlavə edilib. Sanksiyaya məruz qalan gəmilərə MS Enola daxildir.
Son zamanlar sanksiyalar sürətlə genişləndirilib. ABŞ oktyabrın 11-dən bəri 70-dən çox gəmini sanksiya siyahısına daxil edib.
Bloomberg-in məlumatına görə , bu gəmilərin əksəriyyəti İran xam neftini Çinə daşımaq üçün istifadə edilən nəhəng tankerlərdir.
