ABŞ-ın aket bazasında ölümcül helikopter qəzası-video

ABŞ Hərbi Dəniz Qüvvələri Havaydakı raket bazasında helikopterin ölümcül şəkildə qəzaya uğradığını bildirib.

ABŞ Hərbi Dəniz Qüvvələrinin rəsmiləri bildiriblər ki, dörd Ordu podratçısı olan Sikorsky S-61 helikopteri Havay adalarının Kauai adasındakı Sakit okean raket bazasına düşüb.

Media mənbələrinin məlumatına görə, ABŞ Ordusu və Hərbi Dəniz Qüvvələrinin podratçısı olan “Croman” şirkətinə məxsus helikopter Havay adasında təlim missiyası zamanı ölümlə nəticələnən qəza törədib.

Sputnik xəbər agentliyinin məlumatına görə, Sikorsky S-61 helikopterinin Kauai adasındakı Sakit Okean Raket Bazasında qəzaya uğraması nəticəsində ordunun  podratçısı olan 4 sərnişinin hamısı həlak olub.

ABŞ Hərbi Dəniz Qüvvələrinin məlumatına görə, helikopter qəzasında həlak olanlar hərbçilər deyil. ABŞ rəsmiləri qurbanların adları və şəxsiyyətləri ilə bağlı əlavə məlumat verməyiblər.

ABŞ Milli Nəqliyyat Təhlükəsizliyi Şurası və Sakit Okean Raket Bazası helikopterin qəzaya uğramasının səbəbləri ilə bağlı araşdırmalara başlayıb. Raket bazası raketdən müdafiə sınaqlarının və təlimlərin keçirildiyi Kauai adasının qərbində yerləşir.