ABŞ-ın Qarabağdakı vəziyyətlə bağlı 3 səhvi – Təfərrüat

Eastnews.org-un verdiyi xəbərə görə, ABŞ Sahibkarlıq İnstitutunun əməkdaşı Maykl Rubin ABŞ kəşfiyyatının Dağlıq Qarabağdakı səhvlərinə ümumi baxışını “National Interest”də dərc edib. Müəllif hesab edir ki, bu səhvlər araşdırma tələb edir.

İlk səhv ondan ibarətdir ki, öz prezidentinin seçimi ilə məşğul olan ABŞ Azərbaycanla Ermənistan arasındakı münaqişənin böyüməsini əldən verdi, baxmayaraq ki, münaqişə uzun illərdir davam edir. Dövlət katibinin müavini Stiven Biqan 26 mart tarixində Azərbaycan hakimiyyəti ilə bağlanan müqaviləyə əsasən, Bakı ABŞ-ın hərbi dəstəyi ilə regional problemləri diplomatiya yoluyla həll edəcəkdi. Ancaq bunun əvəzinə sentyabr ayında döyüşlər başladı. Aldadan kimdir – ABŞ Dövlət Departamenti, yoxsa Bakı deyə Rubin sual edib.

İkinci səhv: Vaşinqton Bakı “terrorla müharibə”yə qoşulduqdan sonra Azərbaycancana kömək etməklə əslində onu güzəştə getmək həvəsindən məhrum etdi. Buna görə də ABŞ kəşfiyyatı yalnız Minsk Qrupunun şərtlərinə (ABŞ, Rusiya, Fransa) arxalanaraq, Rusiyanın öz sülhməramlılarını Dağlıq Qarabağa göndərəcəyini əvvəlcədən düşünmədilər.

Üçüncüsü, Rubin yazır ki, ABŞ kəşfiyyatı Putin və Ərdoğan arasında aparılan danışıqlar barədə məlumat əldə etməyib. Bəlkə də bu özəl söhbət zamanı Türkiyənin İdlibdəki Rusiya maraqlarını dəstəkləyəcəyi və Rusiyanın Türkiyənin Ermənistanın nəzarətindən çıxmış ərazi olan Qarabağda sülhməramlı missiyasında iştirak etməsinə icazə verəcəyi barədə razılıq əldə edilib.

Müəllifin dediyinə görə, Rusiya sayəsində əldə edilən sülh ABŞ-ın maraqlarına cavab vermir. Rubin Moskvanın bölgədəki təsirinin artdığını bildirib.