ABŞ-ın Yəmənə qarşı yeni təcavüzü
Yəmən mediası ABŞ-ın ölkənin paytaxtı Sənanın şimalındakı Amran vilayətinə yeni hücumlar barədə məlumat yayıb.
Sizinyolun xarici KİV-lərə istinadən verdiyi məlumata əsasən, Yəmən mediası Sənanın şimalında yerləşən Əmran vilayətinin “Hərf Süfyan” şəhərinin ABŞ-ın beş hücumu ilə hədəfə alındığını bildirib.
Bu media orqanları hücumun maliyyə itkiləri və ya mümkün qurbanları barədə heç bir açıqlama verməyiblər.
Bundan əvvəl Səna hökuməti bəyanat yayaraq Yəmən silahlı qüvvələrinin ölkələrinə qarşı istənilən təcavüzkar plana tam hazır olduqlarını elan etmişdi.
Qeyd edək ki, Ənsarullah Hərəkatının lideri Əbdül Malik əl-Husi dünənki çıxışında ABŞ-ın bölgədəki avadanlığı, texnologiyası, gəmiləri və naviqatorları ilə İsrail gəmilərinə dəstək verə bilmədiyini və bunun da məhz bu uğursuzluğa görə olduğunu bildirmişdi. İsrailin Yəmənə birbaşa hücum etmək məcburiyyətində qaldığını söyləmişdi.
