ABŞ İsrailə D9 buldozer daşınmasını dayandırıb
ABŞ Qəzzada istifadə edilən D9 buldozerlərinin daşınmasını dayandıraraq, İsrailin bölgədə ehtiyac duyduğu avadanlıqlara çıxışını məhdudlaşdırıb.
ABŞ Qəzza zolağında istifadə edilmək üçün sionist rejimə böyük D9 buldozerinin daşınmasını dayandırıb .
Bildirilib ki , bu qərar Qəzzada söküntü işlərində buldozerlərdən istifadəyə etirazlar səbəbindən qəbul edilib .
İsrailin “Yedioth Ahronoth” qəzetinin xəbərində qeyd olunub ki , İsrail Müdafiə Nazirliyi Caterpillar zavodlarından təxminən 130 D9 buldozerinin alınması üçün böyük müqavilə imzalayıb .
Qəzetin adı açıqlanmayan iki İsrail təhlükəsizlik qaynağına əsaslanan xəbərinə görə, Vaşinqton bu yaxınlarda Qəzzada evlərin sökülməsində buldozerlərdən istifadə etdiyi üçün bu razılaşmanı dayandırıb.
Mənbələrə görə, İsrail bu razılaşmanın pulunu ödəyib və ABŞ Dövlət Departamentindən ixrac icazəsini gözləyir.
Bundan əlavə, qəzet bu buldozerlərdən xüsusilə Qəzza zolağında binaların sökülməsinin ABŞ-da böyük tənqidlərə səbəb olduğunu bildirib.
Rejimin D9 buldozer çatışmazlığı
Vaşinqtonun İsrailə buldozer daşınmasını dayandırması İsrailin onlarla D9 buldozerinə ehtiyac duyduğu dövrə təsadüf etdi , çünki Qəzzadan gələn hücumlar səbəbindən bir çox buldozerlər xidmətdən çıxmışdı .
Qəzet qeyd edib ki, daşımaların dayandırılması ordunun Qəzza zolağı ilə İsrail arasında təxminən bir kilometr enində bufer zona yaratmaq planını da gecikdirib .
Sözügedən bufer zonaya sərhədin Qəzza tərəfində fələstinlilərə məxsus yüzlərlə bina və kənd təsərrüfatı sahəsinin sökülməsi də daxildir .
Eyni mənbəyə görə, buldozerləri olmayan İsrail ordusu Qəzzada söküntü fəaliyyətləri üçün minlərlə ton partlayıcı maddənin istifadə edildiyi idarə olunan partlayışlar və havadan bombardman kimi daha bahalı alternativlərə əl atmalı olub.
1000 zirehli personal daşıyıcısının alınmasına dair müqavilə
Bununla belə, qəzet qeyd edib ki, ABŞ İsrailə bəzi hərbi göndərişləri dayandırsa da, rejim üçün təxminən 1000 yeni təkərli zirehli personal daşıyıcısı almaq üçün böyük bir müqavilə bağlayıb .
ABŞ daha əvvəl yüzlərlə ağır bombanın İsrail Hərbi Hava Qüvvələrinə çatdırılmasını dayandırmışdı , lakin bu bombaların təxminən yarısı buraxılaraq İsrailə çatdı.
Eyni zamanda, bir neçə gün əvvəl İspaniya ABŞ-dan İsrailə silah və hərbi ləvazimat daşıyan iki gəminin öz limanlarına yanaşmasına mane olub.
