ABŞ: Qəzzada atəşkəs üçün fürsət sürətlə tükənir
ABŞ Dövlət Departamenti Qəzzada atəşkəsin uzadılmasına səbəb olacaq fikir ayrılıqlarının həlli təklifinin hələ də mövcud olduğunu, lakin bu fürsətin sürətlə tükənəcəyini elan edib.
Sizinyolun xarici KİV-lərə istinadən verdiyi məlumata görə, ABŞ Dövlət Departamentinin sözçüsü bu gün (20 mart) deyib: Hazırda fikir ayrılıqlarının aradan qaldırılması təklifi hələ də gündəmdədir. Təklif atəşkəsin uzadılmasını və amerikalı Adan Alexander də daxil olmaqla 5 canlı məhbusun azad edilməsini təmin edəcək. Təklif həmçinin İsrail həbsxanalarında saxlanılan xeyli sayda fələstinlinin azad edilməsini də təmin edəcək.
ABŞ Dövlət Departamentinin sözçüsü əlavə edib: Hələ imkan var, amma bu fürsət bitmək üzrədir.
O, təklifin inandırıcı olduğunu və Vaşinqtonun İsrailin yanında olduğunu da iddia edib.
Xatırladaq ki, İsrail ordusu çərşənbə axşamı səhər Qəzza zolağına yenidən hərbi təcavüzə başlayıb. Fələstinin Qəzza zolağındakı Səhiyyə Nazirliyi son statistik məlumatlarında İsrail rejiminin atəşkəsi pozması və yeni hücumlara başlamasının ardınca çərşənbə axşamı səhərindən bəri 413 fələstinlinin şəhid olduğunu, onlarla fələstinlinin isə itkin düşdüyünü açıqlayıb.
