ABŞ senatoru Putin və yüksək rütbəli Rusiya rəsmilərinə qarşı sanksiya planı layihəsini təqdim edib
ABŞ Senatının Kəşfiyyat və Xarici Əlaqələr Komitəsinin yüksək rütbəli üzvü prezident və digər yüksək rütbəli Rusiya rəsmilərinə sanksiya qoyulması layihəsini Senata təqdim edib və onun dərhal təsdiqlənməsini istəyib.
ABŞ Kəşfiyyat və Xarici Əlaqələr Komitəsinin yüksək rütbəli üzvü Marko Rubio cümə günü Senata Prezident Vladimir Putin və digər yüksək vəzifəli Rusiya rəsmilərinə qarşı sanksiya planının layihəsini təqdim edib.
Təklifini izah edən yüksək vəzifəli respublikaçı senator Rusiyanı Ukraynanı işğal etmək planında ittiham edib:
“Vladimir Putini geri çəkilməyə məcbur etmək üçün istənilən strategiyanın əsas hissəsi belə bir hücumun nəticələrinin onun və onu dəstəkləyənlər üçün ağır olacağını anlatmaqdır. Prezident Bayden, deyəsən, başa düşmür ki, Birləşmiş Ştatlar zəiflik yox, güc və qətiyyət nümayiş etdirməlidir. Mən Senatdakı həmkarlarımı çox gec olmadan bu qanun layihəsi üzərində mənimlə həmkarlığa çağırıram.”
ABŞ və digər NATO üzvləri son həftələrdə dəfələrlə Rusiyanın sərhədə on minlərlə hərbçi yerləşdirməklə Ukraynaya ehtimali hücuma hazırlaşdığını iddia ediblər.
Rusiya isə Ukraynanın irəli sürdüyü iddiaları rədd edərək, Ukrayna, ABŞ və NATO-nun regionda sabitliyi pozmağa çalışdığını vurğulayıb.
Rusiya NATO-dan şərqə (Rusiya sərhədləri) irəliləyişini məhdudlaşdırmağı xahiş edib, lakin NATO-nun baş katibi Yens Stoltenberq bu yaxınlarda keçirdiyi mətbuat konfransında deyib ki, Moskva rəsmiləri Ukraynanın və ya NATO-ya üzv olan hər hansı digər ölkənin üzvlüyünə mane ola bilməzlər. Onlar bununla bağlı razılığa gəliblər və Ukrayna hökumətinə dəstəyini davam etdirməyə hazırdırlar.
