ABŞ və Səudiyyə arasında 10 milyard dollarlıq müqavilə

Sizinyol xarici mediaya istinadən xəbər verir:

Sionist Kanal 12 Səudiyyə Ərəbistanının hava donanmasını genişləndirmək üçün ABŞ ilə “çox böyük” bir hərbi müqavilə bağladığını bildirdi.

Əl-Cəzirə telekanalının verdiyi məlumata görə, Sionist rejimin 12-ci kanalı Çərşənbə günü axşam Səudiyyə Ərəbistanı ilə ABŞ arasında yeni hərbi razılaşma olduğunu elan etdi.

Kanal 12 bir xəbərdə yeni bir təhlükəsizlik sazişinin Tel-Əvivi narahat etdiyini bildirdi. Sionist təhlükəsizlik rəsmisi ABŞ-ın F-15 döyüş təyyarələrini artırmaq planı ilə əlaqədar Səudiyyə Ərəbistanı ilə 10 milyard dollarlıq bir müqavilə bağladığını bildirdi.

Səudiyyə 150 ədəd F-15 qırıcısının kütləvi inkişafı üçün ABŞ-la 10 milyard dollar dəyərində böyük razılaşmalar əldə edib.

İsrail təhlükəsizlik xidmətini narahat edən şeylərdən biri də Təbuk hava limanından havaya qalxan və İsrailə 15 dəqiqəyə çatmağı bacaran F-15 qırıcılarıdır.

Bu plana buraxılış proqramlarının performansının yaxşılaşdırılması, inkişaf etmiş uçuş kompüterlərinin tətbiqi, radar performansının, təyyarələrin uçuş məsafəsinin yaxşılaşdırılması, silahlanmanın artırılması, kabinədəki dəyişikliklər və qırıcı start sistemi, həmçinin elektron sistemin yaxşılaşdırılması daxildir. Həmçinin, qırıcılar qabaqcıl avadanlıqlarla təchiz ediləcəkdir.

Bununla əlaqədar ABŞ Dövlət Katibi Mayk Pompeo, çərşənbə axşamı günü Vaşinqtonun BƏƏ-yə 50 ədəd F-35 döyüş təyyarəsi satmaqla bağlı bir razılaşma təsdiqlədiyini açıqladı.