Ağ Ev: ABŞ və İsrail rəsmiləri yaxın həftələrdə Rəfahla bağlı üzbəüz görüş keçirəcəklər
ABŞ və İsrail hakimiyyəti yaxın həftələrdə Qəzza zolağının cənubundakı Rəfah şəhərində İsrailin mümkün hərbi əməliyyatını müzakirə etmək üçün Vaşinqtonda üzbəüz görüş keçirəcək.
Bunu Ağ Evin mətbuat katibi Karin Jan-Pyer jurnalistlər üçün keçirdiyi brifinqdə deyib.
Onun sözlərinə görə, ikitərəfli əlaqə daim açıq kanallar vasitəsilə həyata keçirilir və tərəflər hər gün əlaqə saxlayırlar.
Jan-Pyer Rəfahdakı vəziyyətlə bağlı müzakirələrin davam etdiyini vurğulayaraq, onları uğurlu adlandırıb.
“Biz keçən həftə virtual şəkildə görüşmüşük və müzakirənin davam etdiyinə əmin olmaq üçün danışıqları davam etdirəcəyik və onlar bizdən Rafahdakı 1,5 milyondan çox mülki vətəndaşı necə müdafiə etməyi təklif etdiyimizi öyrənəcəklər”, – Ağ Ev rəsmisi qeyd edib.
