Al Jazeera: Qəzzada BMT-nin humanitar yardım karvanına atəş açılıb
BMT-nin Qəzza zolağına humanitar yardım daşıyan maşınlarına atəş açılıb, yük isə oğurlanıb.
Bu barədə Qətərin “Al Jazeera” telekanalı bildirib.
Məlumata görə, hücum nəticəsində üç sürücü xəsarət alıb. Bildirilib ki, BMT-nin humanitar yardım karvanına Fələstin anklavının mərkəzi hissəsində hücum edilib.
Cənub sərhədindən Deyr əl-Balah şəhərinə doğru hərəkət edən 20 yük maşınından 14-nə atəş açılıb və daşıdıqları ərzaq oğurlanıb.
