Almaniyanın 17 min əsgəri NATO-nun Çevik Reaksiya Qüvvələri üçün hazır vəziyyətdədir

NATO bizim kollektiv təhlükəsizliyimizin əsas zəmanətçisi olaraq qalır.

APA xəbər verir ki, bu barədə Almaniya Kansleri Olaf Şolts NATO Baş katibi Yens Stoltenberqlə mətbuata birgə bəyanatı zamanı bildirib.

O deyib ki Almaniya NATO-ya öz töhfəsini verir, Polşada, Baltik regionunda Almaniya hərbi qüvvələri xidmət edir, eyni zamanda, ölkəsi bu regiona “Patriot” sistemlərini yerləşdirib.

“Bizim 17 min əsgərimiz NATO-nun Çevik Reaksiya Qüvvələri üçün hazır vəziyyətdədir. Biz müttəfiqlərimizlə fəal əməkdaşlıq edirik, hərbi təlimlər keçiririk. Bu günlərdə Almaniyada ən böyük hərbi hava təlimləri keçirildi ki, bu, son on illiklərin ən genişmiqyaslı təlimi idi. Biz hava müdafiəsinə daha çox investisiya qoymalıyıq”, – Kansler vurğulayıb.

Apa.az