Amerika rəsmisinin Livana səfəri ilə şimal cəbhəsində gərginlik artır
Qəzza müharibəsi sona çatana qədər işğal altındakı Fələstinə hücumlarının davam etdiyini vurğulayan Livan Hizbullahı, yüksək rütbəli komandirlərindən birinin şəhid olması ilə nəticələnən İsrailin hava hücumundan sonra bölgədə raket və pilotsuz təyyarə əməliyyatlarını gücləndirib.
Əl Aləm telekanalının məlumatına əsasən, Livanın işğal olunmuş Fələstinlə sərhədlərində gərginliyin artması və atışmaların 8 aydan artıq davam etdiyi bir vaxtda, işğalçı rejim ordusu dünən axşam (18 iyun) Livana hücum əməliyyat planları ilə “razılaşdığını” elan edib.
İşğalçı rejim ordusu açıqlamasında “İsrailin yüksək rütbəli hərbi rəsmiləri Şimal Komandanlığı Qərargahında vəziyyətlə bağlı dəyərləndirmə çərçivəsində Livana təcavüz əməliyyatının planlaşdırılması təsdiqlənib.
Sionist rejim müharibə ordusu bəyanat yayaraq elan edib: Hərbi qüvvələrin hazırlıq prosesini sürətləndirməyə davam etmək üçün qərarlar qəbul edilib.
Eyni zamanda, ABŞ regionda münaqişənin yayılmasının qarşısını almağa çalışdığını iddia edərək, prezidentin xüsusi nümayəndəsi “Amos Hokşteyn”i Beyruta göndərib. “Son bir neçə həftə ərzində (İsrail və Livan Hizbullahı arasında) bir eskalasiya gördük. Prezident Bayden daha da gərginləşmədən və daha böyük müharibəyə doğru hərəkətdən qaçmaq istəyir” deyən Hochstein vəziyyətin həll ediləcəyini sayır. Amma Livan Hizbullahı Qəzzə xalqına qarşı soyqırım tam bitməyənə, tammənalı atəşkəs bərqərar olmayana və didərgin fələstinlilərin öz evlərinə qayıtmayana və hüquqları bərpa edilməyənə qədər sionist rejim əleyhinə əməliyyatlarının davamında israrlıdır.
