Amerika rəsmisinin Suriya ilə əlaqələrlə bağlı açıqlamalarına Həmasdan reaksiya

HƏMAS hərəkatının sözçüsü amerikalı rəsminin Həmas nümayəndə heyətinin Dəməşqə səfəri və Suriya prezidenti Bəşər Əsədlə görüşü ilə bağlı açıqlamalarını rədd edib.

HƏMAS hərəkatının sözçüsü Hazim Qasim bildirib ki, Amerika rəsmisinin HƏMAS nümayəndə heyətinin Suriyaya səfəri ilə bağlı sözləri rədd edilir.

Əl-Məyadin şəbəkəsinin məlumatına görə, Qasim ABŞ Dövlət Departamentinin rəsmilərinin HƏMAS və Suriya münasibətləri ilə bağlı açıqlamalarının açıq-aşkar müdaxilə olduğunu və millətin sütunları arasında əlaqələrin gücləndirilməsinə yönəlmiş hər cür səylərə qarşı sionistlərin mövqeyini ifadə etdiyini açıqlayıb.

O əlavə edib ki, Vaşinqton mübahisələrin davam etməsində maraqlıdır və millətimizə və xalqımıza qarşı dəfələrlə təcavüzlərdə əsl tərəfdaşdır.

ABŞ Dövlət Departamentinin sözçüsü Ned Prays HƏMAS hərəkatının nümayəndə heyətinin Dəməşqə səfəri və Suriya prezidenti Bəşər Əsədlə görüşünə cavab olaraq iddia edib ki, bu münasibətlər Fələstin xalqına və regionda və onun hüdudlarından kənarda terrorizmlə mübarizə üzrə qlobal səylərə zərərlidir.”