Amerika tipli söz azadlığı: Üç ulduzlu general vəzifəsindən uzaqlaşdırılaraq sorğu-sual edilib

Təqaüddə olan amerikalı general ABŞ Prezidentinin həyat yoldaşının ifadələrinə reaksiya verdiyi üçün təlim müqaviləsindən kənarlaşdırılıb, istintaqa və dindirməyə məruz qalıb.

Amerika rəsmilərinin bu ölkədə söz azadlığının olması və bunu başqa ölkələr üçün müdafiə etmək iddiasına baxmayaraq, ABŞ-da reallıq başqadır.

ABŞ prezidentinin həyat yoldaşı Cil Baydenin açıqlamalarına reaksiya verdiyi üçün təqaüdçü amerikalı general Qari Voleski müqaviləsindən uzaqlaşdırılıb və istintaqa cəlb edilib.

 “Washington Post” qəzetinin məlumatına görə, iyunun 24-də Cill Bayden şəxsi Twitter səhifəsində ABŞ Ali Məhkəməsinin ölkənin bütün ştatlarında aborta qadağa qoyan qərarını tənqid edib.

Bu təqaüdçü üç ulduzlu general da qısa tvitində belə yazıb: “Mən nəhayət qadının nə olduğunu başa düşdüyünüz üçün şadam”. O, bu tvitini bir neçə dəqiqə sonra silib.

Bununla belə, Cil Baydenin tənqidi mənfi qarşılanıb və Ordu sözçüsü Sintiya Smith The Washington Post-a bildirib ki, Birləşmiş Silahlar Mərkəzinin komandiri Teodor Martin komandanlığın təhqiqatının nəticəsini gözləyən Volskini baş təlimatçı kimi müqaviləsindən kənarlaşdırıb.

Bu müqavilədə 60 yaşlı Volski digər təqaüdçü hərbi məmurlar və ya istefada olan yüksək rütbəli mülki məmurlarla birlikdə ordu zabitlərini, personalını və tələbələrinə təlim keçirdi.

 “The Washington Post”un yazdığına görə, o, Fars körfəzi, İraq və Əfqanıstan müharibələrində ABŞ ordusunda xidmət edib. Hələ ki müqaviləsinin ləğvi ilə bağlı sorğusuna cavab verilməyib. Ağ Ev məsələ ilə bağlı də şərh verməkdən imtina edib.

Bundan əvvəl ABŞ-dakı hüquq müdafiəçiləri Ali Məhkəmənin abortun ləğvi ilə bağlı qərarından sonra onlarla ştatda bu sahədə xidmətlərə çıxışın ciddi şəkildə məhdudlaşdırıldığını və ya qeyri-mümkün olduğunu bildirmişdilər.