Amerika və Britaniya Yəmənin cənub-qərbinə hücum etdi

Media mənbələri Amerika və Britaniya qırıcılarının bir daha Yəmənin cənub-qərbini bombalamasından xəbər verir

İRNA-nın verdiyi məlumata görə, ABŞ və İngiltərənin qırıcı təyyarələri bu  gün (7 avqust) səhər saatlarında Yəmənin cənub-qərbindəki Taiz əyalətini bombalayıblar.

Məlumata görə, Yəmənin müxtəlif bölgələri, xüsusilə Hudeyda əyaləti son aylarda ABŞ və İngiltərənin təcavüzkar hücumlarının hədəfinə çevrilib.

Bu hücumlar Yəmən milli hökumətinə təzyiq göstərmək məqsədi ilə sionist rejim  əleyhinə dəniz blokadasının dayandırılması üçün həyata     keçir.

Qeyd edək ki,  BMT Təhlükəsizlik Şurasının qətnaməsindən sonra ABŞ və Böyük Britaniya yanvarın 21-i səhər saatlarında Ənsarullahın Yəməndəki mövqelərinə hücum edib. Bu hücumlar Yəmən ordusunun Qəzza zolağında Fələstin xalqının müqavimətinə dəstək olaraq Qırmızı dənizdə və Babəl  Məndəb boğazında işğal olunmuş ərazilərə gedən bir neçə sionist gəmini hədəf almasından sonra başlayıb.