Amerikalılar Suriya neftini oğurlamaqda davam edir: 45 neft tankeri İraqa köçürülüb

Amerika işğalçıları Suriyanın resurslarını və milli vəsaitlərini oğurlamağa davam edərək bu ölkədən daha 45 neft tankeri nefti Şimali İraqdakı bazalarına köçürüblər.

Suriyanın şimal-şərq və şərq bölgələrində, o cümlədən “Əl-Cəzirə” kimi tanınan ərazidə neft və Suriyanın milli sərvətlərinin oğurlanmasının davamı olaraq, amerikalı işğalçılar oğurlanmış neft və kəpək daşıyan iki karvanı . “Əl-Məhmudiyyə” qanunsuz keçidi ilə İraq ərazisindəki bazalarına daşıyıblar.

Suriyanın rəsmi Xəbər Agentliyinin (SANA) məlumatına görə, Əl-Yəribiyyə yaxınlığındakı yerli mənbələr oğurlanmış neftlə dolu 45 Amerika tankerinin qeyri-qanuni Əl-Məhmudiyyə keçidindən Şimali İraqdakı Amerika bazalarına doğru hərəkət etdiyini bildirib.

Amerika əsgərləri Suriyadan İraqa qaçaqmalçılıq yolu ilə yanacaq apardıqdan sonra bu ölkənin neftini İraqın Kürdüstan bölgəsinin qara bazarında satır və bir hissəsini öz ehtiyacları üçün öz bazalarına köçürür.

Bu mənbələrə görə, birinci konvoyun yola düşməsindən saatlar sonra 50 soyuducu yük maşınından ibarət daha bir konvoy qeyri-qanuni Əl-Vəlid keçidindən İraqa yola düşüb. Bu konvoy Əl-Yəribiyyə buğda anbarlarından oğurlanmış kəpək yükünü daşıyırmış.

Amerikalı işğalçılar Suriyanın Əl-Cəzirə bölgəsində qeyri-qanuni olaraq mövcuddur və “Suriya Demokratik Qüvvələri” (SDQ) kimi tanınan kürd silahlı birləşmələrinin iştirakı ilə Suriya kapitalını və onun neft, buğda və un da daxil olmaqla strateji məhsullarını talayır və ölkə xalqını bundan məhrum edir.

Amerika ordusu Suriyanın ən böyük neft və qaz yataqlarının yerləşdiyi Deyrəz-Zor, Əl-Həsakə və Rakka əyalətlərində Suriyanın şimal və şimal-şərq rayonlarını qanunsuz olaraq işğal edib.