Amerikanın Ər-Riyada qarşı mümkün variantları: Təlimləri dayandırmaq və Patriotları göndərməmək
Bir sıra amerikalı rəsmilər bildiriblər ki, ABŞ hökuməti Səudiyyə Ərəbistanına hərbi yardımı yavaşlatmaq, o cümlədən, Ər-Riyada cəza olaraq qabaqcıl Patriot sistemləri göndərməmək barədə müzakirələr aparıb.
Məlumata görə, bir neçə məlumatlı Amerika rəsmisi bildiriblər ki, Amerika hökuməti Səudiyyə Ərəbistanına hərbi yardımı ləngitmək, o cümlədən, OPEK-in neft hasilatını azaltmaq qərarına görə Səudiyyə Ərəbistanına cəza olaraq qabaqcıl Patriot raket sistemlərinin göndərilməməsi ilə bağlı müzakirələr aparıb.
“NBC” xəbər şəbəkəsinin saytı bu məlumatlı mənbələrə istinadən yazıb ki, bəzi hərbi məmurlar bu ideyanı dəstəkləyir, digərləri isə ABŞ və Səudiyyə Ərəbistanı arasında hərbi əlaqələrin hər cür qisasdan uzaq olmasını təmin etmək istəyirlər.
Bu hesabata görə, Səudiyyə Ərəbistanının ABŞ ilə 300 ədəd Patriot idarə olunan raketi almaq üçün müqaviləsi var. Bu raketdən müdafiə sistemi Husi şiələri tərəfindən atılan raket və dronların daimi təhlükəsi ilə üzləşən səudiyyəlilər üçün həyati əhəmiyyətlidir.
Bəzi ABŞ hərbi rəsmiləri narahatdırlar ki, Patriot raketləri kimi avadanlığın daşınmasının dayandırılması ABŞ qüvvələrini və Səudiyyə Ərəbistanındakı mülki əhalini riskə atacaq, həmçinin regional müdafiə və təhlükəsizlik əlaqələrini təhdid edəcək.
Qrup yüksək vəzifəli ABŞ hökumət rəsmilərinə bildirib ki, hərbi əlaqələri kəsmək təhlükələrə səbəb ola bilər.
Bir çox variant masada olsa da, hələlik heç bir qərar verilməyib, danışıqlara yaxın olan bir neçə rəsmi bildirib. Onlar dönüş nöqtəsi kimi dekabrda gözlənilən OPEC toplantısına işarə edərək bildiriblər ki, əgər səudiyyəlilər bu görüşdən sonra hasilatı artırsa, ABŞ Səudiyyə Ərəbistanına qarşı heç bir addım atmaya bilər.
Bu rəsmilərin fikrincə, başqa bir seçim də səudiyyəlilərin gələcək hərbi təlimlər və görüşlər və ya regional konfranslar kimi qarşılıqlı fəaliyyətlərdən kənarlaşdırılmasıdır.
Yekun olaraq, ABŞ və onun regiondakı müttəfiqləri regiondakı sistemləri birləşdirəcək, koordinasiyalı xəbərdarlıq və cavab verəcək inteqrasiya olunmuş hava və raket əleyhinə müdafiə sistemi üzərində işləyirlər və səudiyyəlilərin hava hücumundan müdafiə təlimlərindən kənarda qalması onlara aydın bir mesaj verir.
Bir müddət əvvəl ABŞ Senatının Xarici Əlaqələr Komitəsinin üzvü Kris Morfi bir sıra tvitlərində Amerika silahlarının Səudiyyə Ərəbistanına satışını dayandırmağı dəstəklədiyini bildirib.
O, həmçinin yazıb ki, Amerika bu ilin sonunda Səudiyyə Ərəbistanına göndərilməsi nəzərdə tutulan 280 hava hücumundan müdafiə sistemini təhvil verməkdən imtina edib, əvəzində onları Ukraynaya göndərməlidir.
Bu arada ABŞ-ın yüksək səviyyəli Demokrat senatoru Rusiyanın Səudiyyə Ərəbistanı vasitəsilə ABŞ-ın həssas hərbi məlumatlarına çıxış əldə etməsindən narahatlığını bildirib.
Bu yaxınlarda Səudiyyə Ərəbistanına silah satışını bir il müddətinə dondurmağı təklif edən ABŞ Senatının Silahlı Qüvvələr Komitəsinin üzvü Riçard Blumental Pentaqon rəsmiləri ilə görüşdə Ər-Riyadın son mövqeləri ilə bağlı təhlükələri daha da müzakirə edəcəyini söyləib.
