Ankara: ABŞ-ın Türkiyəyə qarşı tətbiq etdiyi sanksiyaların dağıdıcı təsirləri olacaq

Sizinyol xarici mediaya istinadən xəbər verir:

Türkiyə Prezidentinin sözçüsü ABŞ-ın Rusiyaya məxsus S-400 raketdən müdafiə sistemlərinin alınması ilə əlaqədar ölkəyə tətbiq etdiyi sanksiyaların dağıdıcı təsirləri barədə xəbərdarlıq etdi.

Reuters-ə istinadən bildirilir ki, Türkiyə Prezidentinin sözçüsü İbrahim Kalın ABŞ-ın S-400 raket sistemini satın aldığına görə Türkiyəyə tətbiq etdiyi sanksiyaların Türkiyə və ABŞ münasibətlərini korlayacağını deyib.

Kalın ABŞ mediasının təxminlərinə görə, Türkiyənin ABŞ-ın yeni seçilmiş Prezidenti Co Bayden rəhbərliyi ilə yaxşı, müsbət bir proqrama sahib ola biləcəyinə inandığını söylədi.

ABŞ S-400 sisteminin beşinci nəsil F-35 qırıcısı üçün təhlükə yaratdığını iddia edir. ABŞ rəsmiləri bu sistemin qırıcıların zəif nöqtələrini müəyyənləşdirib məlumatları Moskvaya ötürdüyünə inanırlar. Ancaq Türkiyə və Rusiya bu ssenarini rədd etdilər.

Türkiyə müəyyən bir müddətdə ABŞ-dan 100 ədəd beşinci nəsil F-35 döyüş təyyarəsi almasını planlaşdırmışdı, ancaq Rusiyadan S-400 raketdən müdafiə sistemini satın aldığına və ABŞ-ın xəbərdarlıqlarına məhəl qoymadığına görə, layihədən çıxarıldı. Hazırda bir dənə belə F-35 qırıcı təyyarələri praktik olaraq Türkiyəyə göndərilməyib.