Avropa dərman ehtiyatı yaradır -Yoxsa bütün dünyada…
Publika.az “TASS” agentliyinə istinadən xəbər verir ki, Ümumdünya Tibb Assosiasiyasının (WMA) rəhbəri Frank Ulrix Montqomeri “Funke” media qrupuna müsahibəsində Avropa üçün ümumi dərman ehtiyatı yaratmağı təklif edib.
Montqomeri on ildən artıqdır davam edən dərman qıtlığının artdığına diqqət çəkib. Onun sözlərinə görə, buna səbəb sənaye üçün iqtisadi stimulların düzgün təyin edilməməsi olub. “Patentsiz istehlak malları üçün marjalar aşağıdır, böyük əczaçılıq artıq bu dərmanlarla maraqlanmır və istehsalı Çin və ya Hindistan kimi aşağı maaşlı ölkələrə köçürür”, – ÜTA rəhbəri deyib. “Bu fabriklərdə yanğın baş verərsə, əsas maddə yox olarsa və ya keyfiyyət qüsurları olarsa, o zaman dərman bütün dünyada yox olar”, – deyə o əlavə edib.
“Bu baxımdan Avropa səviyyəsində dərman ehtiyatı yaratmaq lazımdır”, – Montqomeri qeyd edib. O vurğulayıb ki, siyasətçilər müvafiq iqtisadi şərtlərlə istehsal sahələrini Aİ-yə qaytarmalıdırlar.
Publika.az
