Avropa Parlamentinin İranı ittiham etmək üçün insan haqları anlayışından sui-istifadə etmə hərəkəti pislənib

Xarici İşlər Nazirliyinin İnsan Haqları və Qadın Hüquqları üzrə baş direktoru Mərziyə Əfxəm Avropa Parlamentinin son qətnaməsində İranda insan haqları və qadın hüquqlarının vəziyyəti ilə bağlı ədalətsiz ittihamların irəli sürülməsini bu Avropa institutuna müdaxiləçi və siyasiləşmiş yanaşmadan xəbər verən təkrar hərəkət kimi qiymətləndirib və bunun heç bir hüquqi əsası olmadığını bildirib.

O, Avropa Parlamentinin bu məsuliyyətsiz qətnaməsini pisləyərək, vurğulayıb: İran İslam Respublikasının məhkəmə sistemi peşəkar və müstəqil bir qurumdur və İrandakı məhkəmə prosesləri həmişə qanuna və ədalətli məhkəmə prosesinə əsaslanır. İran İslam Respublikası məhkəmə proseslərinə və funksiyalarına müdaxilə məqsədi ilə istənilən xarici müdaxiləni beynəlxalq hüququn prinsip və qaydalarına zidd hesab edir və bunu rədd edir.

Xarici İşlər Nazirliyinin İnsan Haqları üzrə Baş direktoru deyib: İran İslam İnqilabı Keşikçiləri Korpusu hüquqi və populyar bir qurum olaraq İranın milli təhlükəsizliyinin qorunmasında, İranın Səddam rejimi və digər təcavüzkar qüvvələrin təcavüzündən müdafiəsində əsas rol oynayıb və regionda terrorla mübarizə və vətəni müdafiə edən bu quruma qarşı hər cür cəsarət İran İslam Respublikası tərəfindən qətiyyətlə qarşılanacaq.

Əfxəm bəyan edib: Avropa Parlamenti keçmişin düşünülməmiş hərəkətlərindən nəticə çıxararaq, terror qruplarını və ünsürlərini açıq şəkildə dəstəkləmək əvəzinə – bu, zorakılığı və fundamental insan hüquqlarının pozulmasını təsdiqləmək və təşviq etmək kimi – hüquqi-beynəlxalq hüquq normalarına hörmət etməli, vəzifələr və sülhün, sabitliyin və insan haqlarının təşviqində konstruktiv rol oynamaq üçün addımlar atmalıdır.