Avropa qılıncını siyirdi – Von der Leyen: Trampın tariflərini cavabsız qoymayacağıq
Avropa Komissiyasının sədri Avropa Parlamentindəki çıxışında Donald Tramp administrasiyasının tarif siyasətlərinə kəskin və açıq tonla hücum edib və xəbərdarlıq edib ki, Avropa İttifaqı Vaşinqtonun birtərəfli addımları qarşısında boş dayanmayacaq.
O, Avropanın iqtisadi gücünü vurğulayaraq, bütün mübarizə vasitələrinin masada olduğunu və ABŞ-ın tarif müharibəsinin davam edəcəyi təqdirdə Brüsselin əks tədbirlər görməyə hazır olduğunu açıqlayıb.
O, ABŞ-ın polad, alüminium, avtomobil və avtomobil hissələrinin idxalına 25%-lik rüsumlar tətbiq etməsinə, həmçinin dərman və ağaca rüsumların tətbiqi planlarına toxunaraq əlavə edib: “Bu tariflər Amerika xalqının qida və dərman üçün ödəyəcəyi bir vergidir. Bu siyasət inflyasiyanı gücləndirəcək və məşğulluğu təhdid edəcək. “Biz qarşıdurma istəmirik, amma lazım gələrsə, cavab verəcəyik.”
