Avropada təşviş: yeraltı anbarlarda qaz sürətlə tükənir

Avropa ölkələri soyuq havaların başlaması ilə yeraltı anbarlardan qazı aktiv şəkildə çıxarmağa başlayıblar. Ehtiyatlar dekabrın 8-i səhər saatlarında 89,93% səviyyəsindən aşağı düşüb.

Publika.az “RİA Novosti”yə istinadla xəbər verir ki, bu barədə Avropanın Qaz İnfrastruktur Operatorları Assosiasiyasının (Gas Infrastructure Europe, GIE) məlumatında deyilir.

Dekabrın ilk həftəsində Avropada temperatur aşağı düşməyə başlayıb və bunun nəticəsində yeraltı anbarlardan qazın çəkilməsi həftədə orta hesabla 470 milyon kubmetrə çatıb. Eyni zamanda, mayeləşdirilmiş təbii qazın idxalı noyabrda aylıq rekord həddə – 11,4 milyon tona çatıb.

Publika.az