Avstriyanın Graz şəhərində məktəbə silahlı hücum: 11 nəfər həlak olub! (Video İzlə)
Sizinyol xarici KİV-Ə istinadən xəbər verir:
Avstriyanın Graz şəhərində yerləşən BORG Dreierschützengasse məktəbində silahlı hücum baş verib. Hadisə yerli vaxtla saat 10:00-da qeydə alınıb. Hücum nəticəsində 11 nəfər həlak olub, bir neçə nəfər isə ağır yaralanıb.
Polis və xüsusi təyinatlı qüvvələr dərhal hadisə yerinə cəlb edilib. Atəş səsləri məktəbin içərisindən eşidilib, bu isə hücumun qəfil və intensiv olduğunu göstərir. Hücumun motivi və icraçısı barədə hələlik rəsmi açıqlama verilməyib.
Daxili İşlər Nazirliyi hadisə ilə bağlı araşdırmaların davam etdiyini bildirib. Məktəbin bütün şagird və müəllim heyəti təxliyə edilib, valideynlər üçün ASKO stadionunda görüş nöqtəsi təşkil olunub.
Hadisə ilə bağlı əlavə məlumatlar təqdim olunacaq. Rəsmi qurumlar və yerli media hadisənin təfərrüatlarını araşdırmağa davam edir.
