“Sionist rejimlə münasibətlərin normallaşması tezliklə iflas edəcək”

 Ayətullah İsa Qasım: “Sionist rejimlə münasibətlərin normallaşması tezliklə iflas edəcək”

Bəhreynin Əhli-Beyt (ə) ardıcıllarının rəhbəri Ayətullah Şeyx İsa Qasım İslam və ərəb millətləri tərəfindən rədd edilən işğalçı rejimlə münasibətlərin normallaşmasının, şübhəsiz ki, yaxın gələcəkdə iflas olacağını bildirib.

Deyerler.org ABNA-ya istinadən xəbər verir ki, Ayətullah Şeyx İsa Qasım Bəhreyndəki Ali Xəlifə diktator rejiminin sionist rejimlə münasibətləri normallaşdırmaq cəhdini qınayan bəyanatla çıxış edib: “Sionist düşmənlə münasibətləri normallaşmış və ya normallaşdırmağa çalışan bütün hakim ərəb rejimləri çox yaxşı bilirlər ki, bu addım Allahın iradəsinə və İslam ümmətinin millətlərinin iradəsinə ziddir və bu ABŞ və İsrail rejiminin iradəsini təmin etmək və onların iradələri ilə uyğunlaşmaqdır. Ancaq bu hərəkətlərin ümmətə böyük zərərlər verməsi ilə yanaşı, İsrail rejimi və ABŞ-ın ümmətlə düşmənçilik etdiyini də bildirir.

Hakim rejimlər heç vaxt millətlərə ədalət istəmirlər və hökmranlıqlarını tamamilə həyata keçirmək, hər cür imtiyaz və fürsət qazanmaq istəyirlər. İslam ümmətinin və İslam dininin mənafeyinə zidd olan ABŞ və İsrail rejiminə təslim olmağı millətlərə daha da hakim olmaq və onlara zülm etmək üçün bir yol olaraq görürlər.

İradəsi millətlərin iradəsinə zidd olan və ölkələrin sərvətlərini ələ keçirməyə və insanlar üzərində mütləq hökmranlığa malik olmağa və düşüncələrini məhv etməyə qərar verən rejimlər, yalnız tabeçiliyində olanları zəiflətmək, varlıqlarını marjinallaşdırmaq, onları təhqir etmək və aralarında parçalanma yaratmaq və hərəkətlərinə və qiyamlarına səbəb olan hər şeylə qarşılaşmaq üçün hərəkət edirlər.

İslam ümmətinin millətləri öz iradələri üzərində və dəyərli olmaq istəyirlərsə, ölkələrinin siyasətlərinə laqeyd yanaşmamalı, ölkənin işlərində və daxili və xarici siyasətlərdə iradə və arzularına hörmət edilməsini təmin etməlidir”.

Ayətullah Şeyx İsa Qasım regiondakı rejimlərin xalqlarına qarşı apardığı siyasət və hiylələrdən də danışaraq, belə deyib: “Ölkəni daxili və xarici siyasətində, məsələn mal-qara və qoyun (sürü) kimi, milləti ram etmək istədikdə, iradəsini zəiflədir, əlindəki hər şeyi alır, ya da heç olmasa bezdirir və ya böhranlarla əyləndirirlər və bununla da daxildə üsyan etmək üçün bir təşviqin olmadığından əmin olurlar”.

İsrail rejimi ilə barışığı uğursuz bir hərəkət və millət üçün aydın bir şərin təzahürü olması barədə xəbərdar edən Ayətullah İsa Qasım, belə deyib: “Sizi zəiflətməyə çalışan biri hərəkətinizə və oyanışınıza ümid edə bilməz, sizi çətinlikdə boğmağa çalışan biri sizi onlardan xilas edə bilməz.

Pis və acınacaqlı şərtləri geridə qoymaq səbrlə müşayiət olunan amansız səylərdən asılıdır, Allah heç bir xalqın vəziyyətini özləri öz vəziyyətini dəyişdirməyincə dəyişdirməz.

İslam və ərəb millətləri tərəfindən rədd edilən işğalçı rejimlə münasibətlərin normallaşması, şübhəsiz ki, yaxın gələcəkdə iflas edəcək”.

Ayətullah İsa Qasım bəyanatının sonunda bunları deyib: “Dünən BƏƏ və bu gün Bəhreyn və sabah üçüncü və dördüncü ölkələr sionist düşmənlə barışıq bataqlığına düşdülər və düşəcəklər və bunun səbəbi hökmdarlarla insanlar arasında düşüncə, ruh, məqsəd və maraq baxımından böyük bir uçurumun olmasıdır. Rejimlər mənəvi cəhətdən uğursuz olduqları və bunu millətlərə yükləmək istədikləri kimi, millətlər də bu uğursuzluğa müqavimət göstərməlidirlər”.

Deyerler.org