Ayətullah Sistaninin Quterreşə mesajı: Söz azadlığı müqəddəs şeyləri təhqir etməyə haqq qazandıra bilməz!

İraq şiələrinin Ali Mərcəyi-Təqlidi Ayətullah Seyid Əli Sistani cümə axşamı gecəsi BMT-nin baş katibi Entoni Quterreşə Qurani-Kərimin təhqir edilməsi və İsveç hökumətinin icazəsi ilə bağlı verdiyi bəyanatda və mesajında ​​deyib: İfadə azadlığı dünyadakı iki milyarddan çox müsəlmanın müqəddəs şeylərinə aşkarcasına hücum olan bu biabırçı davranışa haqq qazandıra bilməz.

İRNA-nın məlumatına görə, Ayətullah Sistaninin ofisi İraqın rəsmi xəbər agentliyinə (WAA) təqdim edilmiş bəyanat və mesaja istinad edərək bildirib: Keçən illərdə bu cür təhqiramiz davranışlar müxtəlif ölkələrdə dəfələrlə baş verib, amma diqqətçəkən odur ki, bu dəfə İsveç polisinin rəsmi icazəsi və söz azadlığı iddiası ilə edilib.

Bu mesajda deyilir: Söz azadlığına ehtiram heç vaxt dünyada 2 milyarddan çox müsəlmanın müqəddəs şeylərini açıq şəkildə təhqir edilməsini ifadə edən bu utancverici davranışa haqq qazandıra bilməz.

O, əlavə edib: Bu hərəkət radikal düşüncələrin və ekstremizmin və yanlış davranışların yayılması üçün münasib mühitin yaradılmasına səbəb olur.

Ayətullah Sistaninin mesajında vurğulanıb: İraqın Ali Dini İdarəsi bu hərəkətdən ikrah hissini ifadə edə və təhqiredici davranışı pisləyərək, BMT-dən bu cür davranışların təkrarlanmasının qarşısını almaq üçün təsirli tədbirlər görməyə və ölkələri bu hadisələrin baş verməsinə imkan verən qanunların qəbulunu yenidən nəzərdən keçirməyə çağırır.

Sonda Ayətullah Sistani müxtəlif dinlərin ardıcılları arasında dinc yanaşı yaşama dəyərlərinin və hamı üçün hüquq və qarşılıqlı hörmətə əsaslanan intellektual kurikulumların gücləndirilməsinə çağırıb.

İraq Xarici İşlər Nazirliyi də bir neçə saat əvvəl Stokholmda Qurani-Kərimin təhqir olunmasına etiraz olaraq İsveçin Bağdaddakı səfirini çağırıb və bu təhqiri törədənin ekstradisiyasını tələb edib.

İraqın Ali Məhkəmə Şurasının sədri “Faiq Zidan” İsveçdə Qurani-Kərimi yandırmağa cəhd edən İraq əsilli vətəndaşa qarşı İraq Cinayət Məcəlləsinin 14-cü maddəsinin müddəaları əsasında qanuni tədbirlərin görülməsinə göstəriş verib.

İraq hökumətinin sözçüsü Basim Əl-Əvadi də vurğulayıb ki, İraq hökuməti bəzi ruhi xəstələr və ekstremistlərin Qurani-Kərimin nüsxələrinin dəfələrlə yandırılması ilə bağlı həyata keçirdiyi hərəkətləri qətiyyətlə pisləyir.

Dünən, çərşənbə günü isveçli ekstremist ölkə hakimiyyəti və polisinin dəstəyi ilə İsveçin paytaxtı Stokholmun əsas məscidinin qarşısında və 200-ə yaxın müsəlmanın gözü qarşısında Quranı yandırıb.

Son illər bəzi Avropa ölkələri, xüsusilə Skandinaviya regionu müsəlmanların müqəddəs saydıqlarının təhqir olunmasına səhnə olub.

İsveç polisinin dəstəyinin kölgəsində sağçı ekstremistlər Qurani-Kərimi yandırmağa cəhd ediblər və müsəlmanların etirazları da yatırılıb.